ဒေါ်အောင်ဆန်းစုကြည်ဟာ ကျနော်တို့ အမြဲတမ်း လေးစားနေရတဲ့ ခေါင်းဆောင် တယောက်ပါ”
ဧရာဝတီ Monday, July 12, 2010
ဒေါက်တာ သန်းငြိမ်းသည် ၁၉၅၆ ခုနှစ် ဟယ်ရီတန် အရေး အခင်းတွင် ပါဝင် လှုပ်ရှားခဲ့ပြီး ၁၉၆၃ ခုနှစ်တွင် ဆေးတက္ကသိုလ်မှ ဘွဲ့ရခဲ့သည်။ ၁၉၈၈ ခုနှစ် အရေး အခင်းတွင် ပါဝင်ခဲ့ သောကြောင့် အစိုးရ အမှုထမ်း အဖြစ်မှ ပင်စင်အပေး ခံရပြီးနောက် ၁၉၈၉ ခုနှစ် ဇန်န၀ါရီလ တွင် NLD အဖွဲ့ဝင် ဖြစ်လာခဲ့သည်။ ၁၉၉၀ ပြည့်နှစ် ရွေးကောက်ပွဲတွင် ကျောက်တန်းမြို့နယ် ဥက္ကဋ္ဌအဖြစ် ဝင်ရောက် အရွေးခံပြီး အနိုင်ရခဲ့သည်။ ၁၉၉၇ တွင် အထိမ်းသိမ်းခံရသည်။ ၂၀၀၄ တွင် ထပ်မံ ထိမ်းသိမ်းခံရပြီး ၂၀၀၈ စက်တင်ဘာတွင် ပြန်လည် လွတ်မြောက်လာသည်။ ဒေါက်တာ သန်းငြိမ်းသည် အမျိုးသား ဒီမိုကရေစီ အင်အားစု (NDF) ပါတီ၏ ဥက္ကဌတာဝန်ကို ထမ်းဆောင်ရန် အတွက် ရွေးချယ်ခြင်း ခံထားရသူလည်းဖြစ်သည်။
dr-than-nyeinNDF ပါတီသည် ပြည်ထောင်စု ရွေးကောက်ပွဲ ကော်မရှင်သို့ မေလ ၂၇ ရက်နေ့တွင် ပါတီတည်ထောင်ခွင့်ကို လျှောက်ထား ခဲ့ပြီး ဇွန်လ ၁၄ ရက်နေ့တွင် ပါတီတည်ထောင်ခွင့် ရခဲ့သည်။ ဇွန်လ ၂၄ ရက်နေ့တွင် ရွေးကောက်ပွဲ ကော်မရှင်သို့ ပါတီ မှတ်ပုံတင်ရန် ထပ်မံလျှောက် ထားခဲ့ရာ ဇူလိုင်လ ၉ ရက်နေ့တွင် ခွင့်ပြုချက် ထပ်မံရရှိခဲ့သည်။ ထို့ကြောင့် NDF ပါတီ၏ ရှေ့ဆက် သွားမည့် မူဝါဒနှင့် ပတ်သက်၍ ပါတီ၏ ခေါင်းဆောင်တဦးဖြစ်သူ ဒေါက်တာသန်းငြိမ်းကို ဧရာဝတီ သတင်းထောက် ကိုထွေးက ဆက်သွယ်မေးမြန်း ထားပါသည်။
မေး။ ။ ရွေးကောက်ပွဲ အောင်နိုင်ရေး အတွက်ဘယ်လိုပြင်ဆင်ထားပါသလဲ။
ဖြေ။ ။ ရွေးကောက်ပွဲ အောင်နိုင်ရေးဆိုတာက အရင်တုန်းက ၁၉၉၀ ကလို အပြတ်အသတ် အောင်ပွဲခံဖို့ အထိ လုပ်နိုင်ဖို့က သိပ် အခြေအနေ မပေးပါဘူး။ သို့သော်လည်းပဲ ရတဲ့၊ ပေးလာတဲ့ အခြေအနေကနေ အတတ်နိုင်ဆုံး လုပ်သွားမှာပါ။
မေး။ ။ အပြတ်အသတ် အောင်ပွဲခံဖို့က ဘာလို့ အခြေအနေမပေးတာလဲ။
ဖြေ။ ။ အဲဒါကတော့ အကန့်အသတ်တွေ ရှိတယ်ဗျ။ နံပါတ် ၁ ကတော့ အချိန်ပေါ့ဗျာ။ အချိန်က အခုမှပဲ မှတ်ပုံတင် ကျတယ်။ ရွေးကောက်ပွဲကလည်း ဒီနှစ်ထဲမှာ လုပ်မယ်ဆိုတဲ့ အခါကျတော့ ကျနော်တို့ အတွက် စည်းရုံးဖို့ အချိန်က တော်တော့်ကို နည်းတယ်လေ။ နောက်တခုက ငွေရေး ကြေးရေး အခြေအနေကလည်းရှိတာပေါ့။ ငွေရေး ကြေးရေး ကိစ္စက အရင်တုန်းကနဲ့ လွှတ်တော် ကိုယ်စားလှယ်လောင်း တယောက်က တင်ရတဲ့ငွေတို့ ဘာတို့ဆိုတာက သိပ်ကို ကွာခြားသွား တယ်လေ။ ဒါကို ရှာဖို့ ဖွေဖို့ဆိုတာကလည်း အများကြီး အခက်အခဲရှိပါတယ်။
နောက်တခုက မီဒီယာပေါ့ဗျာ။ မီဒီယာမှာ တင်ပြတာတွေက မှန်မှန်ကန်ကန် မရဘူးပေါ့ဗျာ။ ပြည်တွင်းမှာ ဆိုလည်းပဲ ကျနော်တို့နဲ့ လာပြီးတော့ အင်တာဗျူး လုပ်တာတွေ ရှိပါတယ်။ ရှိပေမယ့် ကျနော်တို့ ပြောတာတွေက ကန့်သတ်ခံရတာတွေ အများကြီး ရှိတယ်။ တချို့ဆိုရင် လုံးဝ ပယ်လိုက်တာတွေရှိတယ်။ ပြည်သူနဲ့ ဆက်ဆံတဲ့နေရာမှာ မီဒီယာကို အားကိုး ရတာလည်း ထင်သလောက် မထိရောက်ဘူးပေါ့။ နောက်တခါ ပြည်ပ မီဒီယာဆိုရင်လည်းပဲ တည့်တည့် မတ်မတ်ကလေး မဟုတ်ဘဲနဲ့ တဘက်စောင်းနင်း ဖြစ်နေတာလေးတွေ တွေ့ရတယ်လေ။ ဥပမာ တချို့မီဒီယာတွေ ဆိုလို့ရှိရင် ဆွေးနွေးတာက ကျနော်တို့ ပါတီအကြောင်း၊ ဒါပေမယ့် ဆွေးနွေးတဲ့ သူတွေက ကျနော်တို့ ပါတီကို ဆန့်ကျင် ဝေဖန်နေတဲ့ သူတွေကို ပြောခိုင်းတယ် ဆိုတော့ ဆွေးနွေးပွဲနဲ့ မတူဘဲနဲ့ အတင်းပြောတာနဲ့ တူနေတယ်။ အဲဒါကို သတိထားမိတယ်။ အဲဒါတွေကတော့ ဆင်ခြင်သင့်တယ်။
မေး။ ။ အဓိက ပြိုင်ဆိုင်ရမယ့် ပါတီတွေက ဘယ်လိုဖြစ်မလဲ။
ဖြေ။ ။ ကျနော်တို့ ယှဉ်ပြိုင်တဲ့နယ်မှာ ကျနော်တို့နဲ့ လာပြီးတော့ ပြိုင်တဲ့ ပါတီ ကတော့ အဓိက ပြိုင်ဘက်ပေ့ါဗျာ။ ကျနော်တို့ကလည်း ဘယ်နေရာတွေကို ၀င်မယ်ဆိုတာကိုတော့ အတိအကျ မပြောနိုင် သေးသလို၊ ပါတီတွေဘက်ကလည်း ဘယ်သူတွေက ဘယ်နေရာတွေဝင်မယ် ဆိုတာကို မသိသေးတဲ့ အခါကျတော့ ပြောလို့တော့ မရဘူးပေါ့ဗျာ။
မေး။ ။ ဒါဆို NDF ကလည်း နေရာရွေးပြီးတော့ ယှဉ်ပြိုင်မယ်ဆိုတဲ့ သဘောလား။
ဖြေ။ ။ တပြည်လုံးကို ကျနော်တို့က တပြေးညီမလုပ်နိုင်ဘူးလေ။ အမတ်ပြဿနာတွေကြောင့် တချို့နေရာတွေမှာ ကျနော်တို့ကို ထောက်ခံမယ့်သူတွေ အင်အားကောင်းသလို၊ တချို့နေရာ တွေမှာလည်း အားနည်းတာ ရှိနိုင်တာပေါ့ဗျာ။ ကျနော်တို့ လုပ်နိုင်တာထက် နယ်မှာရှိတဲ့ နယ်ခံ၊ ကျနော်တို့ နိုင်ငံရေး လမ်းကြောင်းကို ထောက်ခံတဲ့သူတွေရဲ့ အင်အားက ပိုအရေးပါတယ်။ အဲဒီတော့ သူတို့ လုပ်နိုင်တဲ့ နေရာတွေမှာ ကျနော်တို့က ၀င်သွားရမှာ။
မေး။ ။ နောက်တခုက ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး ပါတီ (USDP) ရဲ့ လှုပ်ရှားမှုနဲ့ ပတ်သက်ပြီးတော့ ဘယ်လိုမြင်ပါသလဲ။
ဖြေ။ ။ ဒါကတော့ဗျာ USDP ရဲ့သမိုင်းကြောင်းကလည်း အကုန်လုံးသိနေတာပဲဗျာ။ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေး အသင်း (USDA) ကနေ USDP ဖြစ်တာပဲ။ USDA ဆိုတာကလည်း နိုင်ငံတော် အစိုးရက ထောက်ပံ့ပြီး ဖြစ်လာတဲ့ အဖွဲ့အစည်းပဲ။ အခုလည်း USDP မှာ အစိုးရ လက်ရှိတာဝန်ထမ်းဆောင်တဲ့ သူတွေ ပါဝင်ပြီး လုပ်နေတယ်ဆိုတော့ ဒီဟာက သိပ် ကြည့်လိုတော့ မကောင်းဘူးပေါ့။ ကျနော်တို့ဖြစ်စေချင်တာကတော့ တပ်မတော် အနေနဲ့လည်း ၂၅ ရာခိုင်နှုန်း ယူထားပြီးပြီပဲ။ ကျန်တဲ့ အပိုင်းမှာကတော့ အားလုံးက တပြေးညီစွာနဲ့ ပြိုင်ကြ ဆိုတာမျိုးပဲ ဖြစ်သင့်တာပေါ့။ ဒါမှလည်းပဲ ကျနော်တို့က ဒီမိုကရေစီကို သွားမယ်ဆိုတဲ့ စကားနဲ့က လိုက်လျော ညီထွေဖြစ်မှာ။
မေး။ ။ အခု တဘက်စောင်းနင်းဆိုတာတွေ ဖြစ်နေလို့လား။
ဖြေ။ ။ တဘက်စောင်းနင်းဆိုတာက အားလုံးလည်း သိနေတာပါပဲ။ အထူးပြောစရာ မလိုပါဘူး။
မေး။ ။ ၁၉၉၀ ရွေးကောက်ပွဲကာလတုန်းက ပါတီတွေ မဟာမိတ် ဖွဲ့တာမျိုးရှိတယ်။ NDF အနေနဲ့ရော မဟာမိတ်ဖွဲ့ဖို့ အစီအစဉ်ရှိလား။
ဖြေ။ ။ မဟာမိတ်ဆိုတာမျိုးက နည်းနည်းမြင့်တယ်ဗျ။ တကယ်တမ်း လက်တွေ့ လုပ်တဲ့ နေရာကျတော့ နည်းနည်း ခက်တယ်လေ။ ကျနော်တို့မှာ အချိန်ကလည်း သိပ်မရှိတဲ့ အခါကျတော့ မူအားဖြင့်တော့ ဒီမိုကရေစီ တကယ် ယုံကြည်တဲ့ ပါတီတွေနဲ့ ထိပ်တိုက်မဖြစ်ရေးကို အင်မတန်လိုလားပါတယ်။ အဲဒီအတွက် ကျနော်တို့ အချိန်ရရင် ရသလောက် ဆွေးနွေး ညှိနှိုင်းသွားမယ့် သဘောတော့ထားပါတယ်။
မေး။ ။ ဘယ်လိုပါတီတွေနဲ့ အဓိကထား ဆွေးနွေးညှိနှိုင်းဖို့ရှိပါသလဲ။
ဖြေ။ ။ အဲဒါက သိပ်များများစားစားတော့ မရှိဘူးပေါ့။ ကျနော်တို့ထဲမှာ ဒါက ဆုံးဖြတ်ရဦးမှာပါ။ ပါတီတွေကို လေ့လာဦး မှာပါ။
မေး။ ။ တိုင်းရင်းသား ပါတီတွေထဲမှာ ဘယ်လို ပေါ်လစီမျိုး ကိုင်ထားတဲ့ ပါတီတွေနဲ့ လက်တွဲဖို့ အလားအလာ ရှိလဲ။
ဖြေ။ ။ တိုင်းရင်းသားပါတီတွေနဲ့လည်း ဒီသဘောပါပဲ။ အရင်တုန်းက အမျိုးသား ဒီမိုကရေစီ အဖွဲ့ချုပ်ရဲ့ ၁၉၉၀ ပြည့်နှစ် ပုံစံမျိုးတော့ သွားမှာ မဟုတ်ဘူး။ ဆိုလိုတာက ပြည်နယ်တွေမှာပေါ့ဗျာ၊ တိုင်းရင်းသား နယ်မြေတွေမှာပေါ့ဗျာ၊ ကျနော်တို့က အလုံးအရင်းနဲ့ ဒေသခံပါတီတွေကို ယှဉ်ပြိုင်ဖို့မရှိပါဘူး။ သူတို့ပြည်နယ်အနေနဲ့ သူတို့တာဝန်ကို သူတို့သိ၊ သူတို့လုံအောင် လုပ်ကြဖို့၊ အဲဒါပဲ ကျနော်တို့က လိုလားပါတယ်။ တချို့နေရာလေးတွေ မှာတော့ ရှိမှာပေါ့ဗျာ။ ဥပမာ ပြည်နယ်
တချို့ နေရာလေးတွေမှာ ကျနော်တို့ကို လိုလားတဲ့သူတွေ ရှိတဲ့နေရာတွေလည်း ရှိပါတယ်။ ဒါမျိုးဆိုရင်လည်း ကျနော်တို့က ပါတီဝင်တွေကို အဲဒီမှာရှိတဲ့ တခြား ဒီမိုကရေစီ ပါတီတွေနဲ့ တိုင်းရင်းသားပါတီတွေနဲ့ ညှိနှိုင်းပြီးတော့ ဆောင်ရွက်သွားဖို့ ဆိုတာပဲ ပြောမှာပါ။
မေး။ ။ ဒေါက်တာ တူးဂျာတို့လို ကချင်ပါတီတွေကို မှတ်ပုံတင်ချမပေးတဲ့ ရွေးကောက်ပွဲ ကော်မရှင် အပေါ်မှာရော ဘယ်လို သဘောထားလဲ။
ဖြေ။ ။ အဲဒါကတော့ သူများပါတီရဲ့ ကိစ္စလည်းဖြစ်တယ်။ အဲဒီပါတီနဲ့ ကော်မရှင်တို့ ဖြေရှင်းရမယ့် ကိစ္စလို့ မြင်ပါတယ်။
မေး။ ။ အမျိုးသား ပြန်လည် ရင်ကြားစေ့ရေးကိုရော ဘယ်လို သဘောထားလဲ။
ဖြေ။ ။ အမျိုးသား ရင်ကြားစေ့ရေးဆိုတာက အဓိက အချက်ပါပဲ။ ကျနော်တို့ပါတီရဲ့ မူဝါဒထဲမှာ အဓိက အချက်အနေနဲ့ ပါပါတယ်။ ကျနော်တို့ တိုင်းရင်းသားတွေအချင်းချင်း၊ လူမျိုးအချင်းချင်းမှာ ဖြစ်တဲ့ ပြဿနာတွေဟာ ဒီအမျိုးသား ပြန်လည် သင့်မြတ်ရေး မရှိဘဲနဲ့ ရေရှည် ဘယ်လိုမှ တည်တံ့အောင် ဖြေရှင်းလို့ မရနိုင်ဘူးလို့ ခံယူပြီးသားပါ။ ဒါကိုတော့ အခွင့်အရေး ရရင်ရသလို ဆောင်ရွက်သွားမှာပါ။
မေး။ ။ သတင်းတခုမှာ ဒေါ်အောင်ဆန်းစုကြည်ကို ဆက်လက် ထောက်ခံထားဆဲပဲလို့ ပြောခဲ့တယ်နော်။
ဖြေ။ ။ ဒေါ်အောင်ဆန်းစုကြည်က ကျနော်တို့နဲ့ နှစ်ပေါင်း ၂၀ ကျော် လက်တွဲ ဆောင်ရွက်ပြီးတော့ ဦးဆောင်မှုပေးခဲ့တဲ့ ပုဂ္ဂိုလ်လေ။ ဒေါ်အောင်ဆန်းစုကြည်ရဲ့ တိုင်းပြည်အပေါ်မှာ ထားတဲ့ စေတနာကို ကျနော်တို့က ဘယ်လိုမှ ထိပါးလို့လည်း မရဘူးလေ၊ မေးခွန်းထုတ်စရာလည်း မလိုဘူးလေ။ ဒေါ်အောင်ဆန်းစုကြည်ဟာ ကျနော်တို့ အမြဲတမ်း လေးစားနေရတဲ့ ခေါင်းဆောင် တယောက်ပါ။
မေး။ ။ အဲဒီတော့ သူရဲ့ ပါတီဖြစ်တဲ့ NLD ရဲ့ မူဝါဒကိုရော ဘယ်လိုထိန်းသိမ်းမှာလဲ။
ဖြေ။ ။ NLD ဆိုတာက ကျနော်တို့ အနှစ် ၂၀ ကျော် လုပ်ခဲ့တဲ့ ပါတီပဲလေဗျာ။ ကျနော်တို့ရဲ့ သူစိမ်းပါတီလည်း မဟုတ်ပါဘူး။ သို့သော်လည်းပဲ ကျနော်တို့ လုပ်ခဲ့တာက ကျနော်တို့ မေလ ၆ ရက်မှာ ပါတီ မှတ်ပုံမတင်တော့ဘူးဆိုတဲ့ အခါကျတော့ ဒါက တရားဝင်အနေနဲ့ ပျက်ပြယ်သွားပြီ။ ပျက်ပြယ်သွားပြီ ဆိုတာက သတ်မှတ်ရုံတင် မဟုတ်ဘူးပေါ့ဗျာ။ တကယ်တမ်း လက်တွေ့ဆောင်ရွက်တဲ့ နေရာမှာလည်းပဲ ဒါက ဆန္ဒ ဘယ်လိုပဲရှိရှိ လက်တွေ့အလုပ်လုပ်လို့ မရနိုင်တော့တဲ့ အခြေအနေမျိုး ဖြစ်သွားတယ် ဆိုတာကတော့ ငြင်းလို့မှ မရဘဲဗျ။ အဲဒီအချိန်အထိ ကျနော်တို့က NLD ပါတီထဲမှာ ရှိနေတာပါပဲ။ အဲဒီနောက်ပိုင်း ရှိနေတဲ့ ဟာက ကျနော်တို့နဲ့ ဆက်ပြီး ပတ်သက်တယ်လို့ မယူဆ တော့ဘူးလေ။ NLD ဆက်ရှိတယ် မရှိဘူးဆိုတာက သူတို့ရဲ့ သဘောထားပါပဲ။
မေး။ ။ ဒါဆို NLD ရဲ့ မူဝါဒတွေဖြစ်တဲ့ ရွှေဂုံတိုင်ကြေညာစာတမ်းပါ အချက်တွေနဲ့ NDF ရဲ့ မူဝါဒ ပတ်သက်မှု မရှိဘူးဆိုတဲ့ သဘောလား။
ဖြေ။ ။ ရွှေဂုံတိုင်ကြေညာစာတမ်းဆိုတာက ကျနော်နဲ့ ကိုခင်မောင်ဆွေနဲ့ အဓိကထားပြီးတော့ ကိုစိန်လှဦးနဲ့ ရေးခဲ့တာပါ။ ဒီကြေညာစာတမ်းမှာရှိတဲ့ မူဝါဒဆိုတာက ကျနော်တို့ ကိုယ်တိုင် ယုံယုံကြည်ကြည်နဲ့ ရေးခဲ့တာပဲ။ ရွှေဂုံတိုင် ကြေညာစာတမ်းရဲ့ အနှစ်သာရကို ဒီကနေ့အထိ ကျနော်တို့ ကိုင်စွဲဆဲပဲလေ။ ရွှေဂုံတိုင် ကြေညာစာတမ်းကို အရှိအရှိအတိုင်း ရေးထားတဲ့ အတိုင်း ကျနော်တို့ ပြောနေတာ။ လိုသလိုဆွဲပြီးတော့ အဓိပ္ပာယ် ဖော်တာမျိုးကို ပြောနေတာမဟုတ်ဘူး။ အဲဒီထဲမှာ ပြောထားတာက တွေ့ဆုံဆွေးနွေးရေးနဲ့ နိုင်ငံရေး ပြဿနာကို အဖြေရှာရေး ပြောခဲ့တာလေ။ ဒါက အဓိက ရွှေဂုံတိုင်ရဲ့ လမ်းကြောင်းပဲလေ။ ဒီဟာက အမြဲတမ်း ရှိနေမှာပဲဗျ။ တွေ့ဆုံဆွေးနွေးရေး သေသွားပြီတို့ ဘာတို့မရှိပါဘူး။ လူ ၂ ဦးကြားမှာပဲဖြစ်ဖြစ်၊ အများထဲမှာပဲဖြစ်ဖြစ် သဘောထားကွဲလွဲတာ ရှိနေသမျှ ကျနော်တို့က တွေ့ဆုံဆွေးနွေးရေးက လိုအပ်နေဦးမှာပဲ။ ဒါကိုအမြဲတမ်း ဆက်လက် ကိုင်စွဲထားမှာပါ။
နောက်တခု ရွေးကောက်ပွဲနဲ့ ပတ်သက်လို့ ကျနော်တို့ အဲဒီထဲမှာ ပြောထားတာက မ၀င်ဘူးဆိုတာက မပြောဘူး။ ဒီအချက် ဒီအချက်တွေရှိလို့ရှိရင် ကျနော်တို့ ၀င်ဖို့ စဉ်းစားမယ်၊ ဒါပြောတာ။ ဒါတွေမရရင် မ၀င်ဘူးလို့ ကျနော်တို့ တခွန်းမှ မပြောဘူး အဲဒီထဲမှာ။ အဲဒီလို အဓိပ္ပာယ် ကောက်ယူစရာ အကြောင်းလည်းမရှိဘူးဗျ။ ဒါကတော့ လိုသလိုဆွဲပြီးကောက်တဲ့ သဘောပေါ့။ အဲဒီထဲမှာ အဓိကရေးထားတာက ဘာလဲဆိုရင် ကျနော်တို့ ဒီ NLD ဟာ ပြည်သူလူထုရဲ့ ထံပါးကို ဘယ်တော့မှ ခွဲခွာသွားမှာ မဟုတ်ဘူး၊ ပြည်သူလူထုကို ဘယ်တော့မှ လက်တွဲမဖြုတ်ဘူးဆိုတာ ကျနော်တို့ ပြောထားတဲ့ အချက်တချက်။ နောက်တချက်က ဘာလဲဆိုလို့ရှိရင် ဒီမိုကရေစီတိုက်ပွဲကနေပြီးတော့ NLDဟာ ဘယ်တော့မှ စွန့်ခွာသွားမှာ မဟုတ်ဘူးလို့ ကျနော်ပြောတဲ့အချက်။ နောက်တတိယ အချက်က ရွေးကောက်ပွဲဆိုတာ ဒီမိုကရေစီ လမ်းကြောင်းမှာ ဖြတ်သန်းရမယ့် မှတ်တိုင်ဖြစ်တယ်ဆိုတဲ့ အချက်၊ ဒါတွေဟာ ရွှေဂုံတိုင် ကြေညာစာတမ်းမှာ ပါတဲ့ အချက်တွေပဲ။ ဒါတွေကို ဒီကနေ့လည်း ဒီအတိုင်းပဲ ဆက်လက်ပြီး လုပ်နေတာပဲ။
မေး။ ။ နိုင်ငံရေး အကျဉ်းသား ကိစ္စနဲ့ ပတ်သက်ပြီး ပါတီရဲ့ သဘောထားကရော ဘယ်လိုလဲ။
ဖြေ။ ။ နိုင်ငံရေး အကျဉ်းသားတွေနဲ့ ပတ်သက်လို့က ကျနော်တို့ အရင်ကတည်းကကို တောင်းဆိုထားတဲ့ အတိုင်းပဲ။ ကျနော်တို့ ကိုယ်တိုင်လည်း နိုင်ငံရေး အကျဉ်းသားဖြစ်ခဲ့တာပဲ။ နိုင်ငံရေး အကျဉ်းသားတွေက အမြန်ဆုံးလွတ်သင့်တယ် ဆိုတဲ့သဘောထားက ဘယ်တော့မှ ပြောင်းလဲလို့မရနိုင်တဲ့ ဟာပဲ။
ရွေးကောက်ပွဲ မတိုင်ခင်မှာ အာဏာပိုင်များအနေနဲ့ အကြိမ်ကြိမ် ကတိပေးခဲ့တယ်။ အားလုံးပါဝင်နိုင်တဲ့ ရွေးကောက်ပွဲဖြစ်ဖို့ ဆိုတဲ့ စကားဟာ ရွေးကောက်ပွဲ မတိုင်ခင်မှာ အမြန်ဆုံးအကောင်ထည် ဖော်သင့်တယ်လို့ တိုက်တွန်းချင်တယ်။ အဲဒီလိုနည်းနဲ့ ကျနော်တို့ရွေးကောက်ပွဲ သွားတဲ့လမ်းကို ပိုပြီးတော့ ဂုဏ်ရှိစေတယ်ပေါ့ဗျာ။ အများလက်ခံ စရာလည်း ဖြစ်စေတယ်ပေါ့။ နောက်ဆုံး အဲဒီလို မဖြစ်ဘူး ဆိုလည်းပဲ လွှတ်တော်တို့ ဘာတို့ ပေါ်ပေါက်လာတယ် ဆိုရင် ကျနော်တို့ ပါတီက ကိုယ်စားလှယ်တွေ ရောက်သွားတယ်ဆိုရင် ပထမဆုံး အဆိုတင်မယ့် အချက်က နိုင်ငံရေး အကျဉ်းသား လွှတ်ပေးဖို့နဲ့ အထွေထွေ လွတ်ငြိမ်းချမ်းသာခွင့် ပေးဖို့ကတော့ ကျနော်တို့ တင်မှာပဲဗျ။
မေး။ ။ မြန်မာနိုင်ငံရဲ့ တနှစ်တာ ၀င်ငွေက ၆ ဘီလီယံလောက်ရှိနေပေမယ့် အများစုကို စစ်တပ်က အသုံးချထားတယ်၊ ကျန်းမာရေးနဲ့ ပညာရေးဘက်မှာတော့ နည်းနည်းပဲ အသုံးပြုတယ်။ အဲဒါကို ပါတီအနေနဲ့ ဘယ်လို ပြောင်းလဲဖို့ အစီအစဉ်ရှိလဲ။
ဖြေ။ ။ အဲဒါတွေက ဒီအချိန်မှာတော့ ဘာမှ ပွင့်လင်းမြင်သာမှုမှ မရှိဘဲဗျ။ ဘယ်လောက်ရလို့ ဘယ်လောက် ဘယ်နေရာ သုံးလဲ ဆိုတာ ကျနော်တို့က မသိနိုင်ဘူးလေ။ မသိနိုင်တာကို အရမ်းဝေဖန်လို့တော့ မရဘူးပေါ့။ သို့သော်လည်းပဲ လွှတ်တော် တို့ ဘာတို့ ပေါ်ပေါက်လာတယ်ဆိုရင်တော့ အဲဒီမှာ ဘတ်ဂျက် အပိုင်းတွေဘာတွေရှိရင် နိုင်ငံတခုရဲ့ အစိုးရတရပ်ရဲ့ ရသုံး ခန့်မှန်းခြေတို့ဘာတို့ ဒါတွေက မတင်ပြလို့မှ မရဘဲဗျ။ အဲဒီကျလို့ရှိရင်တော့ ရှင်းရှင်းလင်းလင်းနဲ့ ထောက်ပြပြီးတော့ ဖြစ်သင့်ဖြစ်ထိုက်တာကို ကြိုးစားသွားမှာပေါ့။ ။
13 July, 2010
ခမောက်ကိစ္စ ကန့်ကွက်ခံရတဲ့ NDF မှတ်ပုံတင်ကျပြီ။ By ကိုဇော်ဝင်းလှိုင် စနေ, 10 ဇူလိုင် 2010
ဓာတ်ပုံ ASSOCIATED PRESS
NLD အဖွဲ့ဝင်များကို ရန်ကုန်မြို့က ပါတီဌာနချုပ်တွင် တွေ့ရပုံ (မတ်လ ၂၉၊ ၂၀၁၀)
ခမောက်ပုံတံဆိပ်ပါတီ အမှတ်တံဆိပ်အဖြစ် အသုံးပြုမယ့်ကိစ္စနဲ့ပတ်သက်ပြီး ရွေးကောက်ပွဲ ကော်မရှင်ထံမှာ အမျိုးသား ဒီမိုကရေစီ အဖွဲ့ချုပ်က တရားဝင် ကန့်ကွက်ထားတဲ့ကြားကပဲ ရွေးကောက်ပွဲကော်မရှင်ဟာ NDF ကို နိုင်ငံရေးပါတီ အဖြစ် မှတ်ပုံတင်ခွင့်ပြုလိုက်ပါပြီ။ ရွေးကောက်ပွဲကော်မရှင်က အခုလို NDF ပါတီကို မှတ်ပုံတင်ခွင့်ပြုလိုက်တာဟာ ခမောက်ပုံ တံဆိပ်ကိုလည်း အသုံးပြုခွင့် ပြုလိုက်တာလို့ ယူဆရမှာဖြစ်တဲ့အကြောင်း NDF ပါတီ တာဝန်ရှိသူတွေက ပြောပါတယ်။ အပြည့်အစုံကိုတော့ ဆက်သွယ် စုံစမ်းထားတဲ့ ကိုဇော်ဝင်းလှိုင်က တင်ပြထားပါတယ်။အမျိုးသားဒီမိုကရေစီ အင်အားစုပါတီ NDF ကို နိုင်ငံရေးပါတီအဖြစ် မှတ်ပုံတင်ခွင့် ပြုလိုက်တဲ့အကြောင်း ရွေးကောက်ပွဲ ကော်မရှင်က မနေ့က ရက်စွဲနဲ့ တရားဝင်ထုတ်ပြန်ခဲ့တာပါ။ ပါတီကို အခုမှ မှတ်ပုံတင်ခွင့် ပြုလိုက်တာကြောင့် ပါတီ လုပ်ငန်းစဉ်တွေကို အခုမှ တရားဝင် စတင်လုပ်ဆောင်ရမယ်လို့ ပါတီအကြီးအကဲတဦး ဖြစ်တဲ့ ဦးခင်မောင်ဆွေက ပြောပါတယ်။
“ဟုတ်ပါတယ်။ ကျနော်တို့ မှတ်ပုံတင်ခွင့်ကို အခုမှ တရားဝင်ခွင့်ပြုလိုက်ပြီ ဆိုတော့ အခုကမှစပြီးတော့ ကျနော်တို့ စည်းရုံးရေးတွေကို ယခင်ချထားတဲ့ စည်းမျဉ်းစည်းကမ်းတွေအရ ကျနော်တို့ စည်းရုံးရေး ဆင်းလို့ရပါပြီခင်ဗျ။ အခုကတော့ ကျနော်တို့က ပါတီ ဥက္ကဋ္ဌ အတွင်းရေးမှူး စသည်ဖြင့် ပါတီဖွဲ့စည်းပုံကို မှတ်ပုံတင်ကျပြီးမှပဲ ကျနော်တို့က အစည်းအဝေး ခေါ်ပြီးတော့ တရားဝင် ရွေးချယ်မှာ ဖြစ်ပါတယ်။ ဒေါက်တာ သန်းငြိမ်းကိုတော့ အစကတည်းက ဥက္ကဌ အဖြစ် ကျနော်တို့က သဘောတူထားတဲ့အတွက်ကြောင့်မိုလို့ သူကတော့ အားလုံး သိပြီးဖြစ်ပါတယ်။ ပါတီအဖွဲ့ကိုတော့ဖြင့် ဒေါက်တာ သန်းငြိမ်း ဦးဆောင်ပြီးတော့ ပြန်လည်ဖွဲ့စည်းဖို့အတွက် ကျနော်တို့ အစည်းအဝေး ခေါ်ရမှာပါ။ ရှေ့အပတ်ထဲမှာပဲ ကျနော်တို့ အစည်းအဝေး ခေါ်ပါမယ်။”
တဘက်မှာ ခမောက်ပုံတံဆိပ် အသုံးပြုတဲ့အပေါ် NLD ပါတီက ကန့်ကွက်မှုရှိထားတာကြောင့် အခုလို မှတ်ပုံတင်ခွင့် ပြုလိုက်တာဟာ ရွေးကောက်ပွဲကော်မရှင်က ခမောက်ပုံတံဆိပ်ကို NDF ပါတီအနေနဲ့ တရားဝင် အသုံးပြုခွင့် ပေးလိုက်တဲ့သဘောမျိုး ဖြစ်တယ်လို့ ဦးခင်မောင်ဆွေက ပြောပါတယ်။
“ကျနော်တို့ ထင်တာကတော့ ကော်မရှင်က ကန့်သတ်ထားတဲ့စည်းမျဉ်းပေါ့လေ၊ ဘာသာ သာသနာနဲ့ပတ်သက်တဲ့ အထိမ်းအမှတ်တွေ မပို့ရဘူး၊ ဒို့အရေး ၃ ပါးကို ဆန့်ကျင်တဲ့ အထိန်းအမှတ် မဖြစ်ရဘူး။ နောက်ပြီးတော့ တင်ထားတဲ့ ပါတီမှတ်ပုံတင်ပြီးသား ပါတီတွေ၊ မှတ်ပုံတင်ဆဲ ပါတီတွေရဲ့ တံဆိပ်တွေ အလံတွေ မဖြစ်ရဘူး ဆိုတဲ့ ကန့်သတ်ချက် ၃ ချက် ကျနော်တို့ အဓိက ကင်းလွတ်ပါတယ်။ ကင်းလွတ်လို့ ကျနော်တို့ကို ချပေးတယ်လို့ပဲ ယူဆပါတယ်။ ပထမ ၁၉၉၀ ခုနှစ်ကဥစ္စာကလည်း ၁၉၉၀ ခုနှစ် ရွေးကောက်ပွဲကာလအတွက် အသုံးပြုဖို့ ခွင့်ပြုတဲ့တံဆိပ် အမှတ် လက္ခဏာပါ။ ရွေးကောက်ပွဲ သင်္ကေတပါ။ အခု ကျနော်တို့ မှတ်ပုံတင်တဲ့ဟာက ဒီပါတီရဲ့ တံဆိပ်ပါ။ အလံနဲ့ တံဆိပ်ကို မှတ်ပုံတင်တာပါ။ အဲဒီတော့ အတော်လေးလည်း ကွဲပြားပါတယ်။ ဟိုဟာက ရွေးကောက်ပွဲ သင်္ကေတ အဖြစ် ချပေး ပြီးတော့ အဲဒီတုန်းက NLD အနေနဲ့ မှတ်ပုံတင်ပြီးတော့ ယူတာ မဟုတ်ပါဘူး။
“ရွေးကောက်ပွဲကော်မရှင်က ဒီ စားပွဲသုံးခုပေါ့ဗျာ။ ၁၉၉၀ ခုနှစ် ရွေးကောက်ပွဲမှာ အသုံးပြုဖို့အတွက် ချပေးထားတဲ့ ရွေးကောက်ပွဲ သင်္ကေတ ဖြစ်ပါတယ်။ ဒါကြောင့် ကွဲပြားပါတယ်။ ဒါပေမဲ့ မပြေလည်ဘူးဆိုရင် သူတို့ သတင်းစာမှာ အကြောင်းကြားပါတယ်။ ကန့်ကွက်တဲ့ အတွက်ကြောင့်မို့လို့ ဘယ်လို ကန့်ကွက်တယ်။ ဒါကို ပြန်လည် ပြင်ဆင်ပေးပါ ဆိုပြီးတော့ သတင်းစာမှာ ကြေညာလေ့ ရှိပါတယ်။ အခုဟာ သတင်းစာမှာ အဲဒါတွေ မကြေညာဘဲနဲ့ စည်းမျဉ်းစည်းကမ်းနဲ့အညီ တင်သွင်းလာတာ တွေ့ရတဲ့အတွက် ပါတီ မှတ်ပုံတင်ခွင့်ကို ချပေး လိုက်ပြီ ဆိုတဲ့အခါကျတော့ အဲဒီကိစ္စတွေအားလုံး ပြီးသွားပြီဖြစ်ပါတယ်ခင်ဗျာ။ ပြေလည်သွားပြီဖြစ်ပါတယ်။”
ရွေးကောက်ပွဲကော်မရှင်က အခုလို မှတ်ပုံတင်ခွင့်ပြုလိုက်တာဟာ NLD က ကန့်ကွက်လွှာ တင်သွင်းထားတာကို အသိအမှတ် မပြုတဲ့ သဘော ရောက်နေပြီး ဒါဟာ ဥပဒေအရ လုပ်ဆောင်တာမဟုတ်ဘဲ သူတို့သဘောနဲ့သူတို့ ဆုံးဖြတ် လုပ်ဆောင်တာ ဖြစ်မယ်လို့ ပြောခွင့်ရ ပုဂ္ဂိုလ် ဦးဉာဏ်ဝင်း တုံ့ပြန် ပြောဆိုပါတယ်။
“အခု မှတ်ပုံတင်ခွင့် ပေးလိုက်တယ်ဆိုတော့ ဒီကန့်ကွက်ချက်တွေကို ထည့်မစဉ်းစားဘူး ဆိုတဲ့ သဘောလို့တော့ ထင်တယ်။ ကျနော် တိတိကျကျ မသိပါဘူး။ ဥပဒေအရလို့တော့ ကျနော် လက်မခံနိုင်ဘူး။ ဒါ သူတို့ ဆုံးဖြတ်ချင်တဲ့ဟာကို ဆုံးဖြတ်သွားတဲ့ အဓိပ္ပါယ်ပဲ ဖြစ်ပါလိမ့်မယ်။”
NLD ပြောခွင့်ရပုဂ္ဂိုလ် ဦးဉာဏ်ဝင်း ပြောသွားတာပါ။ NDF ပါတီက ခမောက်ပုံတံဆိပ် အသုံးပြုမယ့်အပေါ် ရွေးကောက်ပွဲ ကော်မရှင်မှာ ကန့်ကွက်ထားတဲ့ကိစ္စနဲ့ ပတ်သက်လို့တော့ NLD လူကြီးပိုင်းတွေ မကြာခင် တွေ့ဆုံဆွေးနွေးပြီးမှပဲ ရှေ့ ဘာဆက်လုပ်မယ် ဆိုတာကို သိနိုင်မယ်လို့ ဦးဉာဏ်ဝင်းက ပြောပါတယ်။
NDF ပါတီဟာ အရင် NLD ပါတီကခွဲထွက်သွားခဲ့ကြတဲ့ ဗဟိုအလုပ်အမှုဆောင် တချို့ အပါအ၀င် ပါတီခေါင်းဆောင်ဟောင်း တချို့နဲ့ ပြန်လည် ဖွဲ့စည်းထားတဲ့ ပါတီတခုဖြစ်ပါတယ်။ သူတို့အနေနဲ့ ဒီမိုကရေစီရဖို့ လုပ်ဆောင်တဲ့နေရာမှာ နိုင်ငံရေးလုပ်ငန်းစဉ် ထဲမှာ ဆက်လက်တည်ရှိနေပြီး ပေါ်လာတဲ့အခွင့်အရေးကို အမိအရ ဆုပ်ကိုင် လုပ်ဆောင်ကြရမယ်ဆိုတဲ့ ယုံကြည်ချက်နဲ့ ရွေးကောက်ပွဲဝင်ဖို့ ပြင်ဆင်နေကြတာဖြစ်ပါတယ်။
